رواية ~سوود عيونها "سحرني" ذوبني بغزلها~

رواية سوود عيونها "سحرني" ذوبني بغزلها

llالسلام عليكم ورحمه اللله وبركاته_
شحالكم انشاءالله بخير؟!
الصراحة ترددت وايد قبل ما انزل الرواية
.. بس مادري
قلت أنزلها وأشوف راي الناس فيها...
وهاذي اول رواية لي وحبيت انقلها لكم وانشاءالله تتفاعلون وياها.
هذي روايه حقيقيه وفي القليل من نسج الخيال والاحلام هذي الروايه فيها حزن وفرح وخيال وواقعية.. و فيها حب وكره وفاء وخيانه صداقه ووعود وكذب وصدق وأهم شي أكشن و تشويق*
وبالنسبة للبارتات
راح يكون لكل أسبوع بارت واحد..
وأخترت يوم الخميس على الساعة 7 ونص المسا إنشالله ..
راح انزل البارت الأول وإن شالله اشوف تفاعل وأكمل
بس إذا ماشفت بعرف ان الرواية ماعجبتكم وراح أوقف كتابتها واذا كان في اخطاء انشاءالله تتغاظون عنها  ..
اتمنى تعجبكم*
شكرا*,
يالله نبدأ...


كتبت الشعر لعيونك ولا خايف من المنقود"
ولا ترهبني همومي عسى ربي يفرجها
كتبت ابياتي يالغالي عسى ياجل أو ياكود
افوز بنظره منك عسى عيني تفوز بها
يوم الخميس
: حموووووود يعني لازم اتروح
حمدان: ش اسوي انا واعد اهلي اني برجع لهم هالاجازة
: ويعني منو الاهم انا ولا هم
حمدان : بعد عمري لا اتخافين برجع لج
: متى بترجع ؟؟
حمدان : بعد شهر
:حمدان واايد، انزين شو رايك انكمل هالكورس ويا بعض ونرجع كلنا ويا بعض
حمدان: غلووي عااد برجع لج الا هو شهر ما بتحسي بالوقت وبعد لازم اكون عندهم في العيد ورمضان بعد جم يوم ما اقدر
غلا (وعيونها اتدمع): ما متعودة اتم ف هالغربة بدونك
حمدان: افاا غربة واهلج موجودين
*حمدان: عمره 21 سنة مزيون والكل يحبة وهو كان يدرس في لندن لين اتعرف على غلا واللي اتكون في نفس السكن وحبها لين اتعلقو ف بعض وصار لهم سنه ونص وهم ويا بعض طبعا حمدان سابق غلا في الدراسة فهو بيرجع عند اهلة الانه صار له ما شايفنهم سنه ونص وغلا بتم لين اتكمل وتوصل ل حمدان في الدراسة ويتخرجون مع بعض .**
في الامارات
: عليآ بسرعة يالله جهزي غرفتة ودخنيها من الدخون اللي يحبة و عطريها وحطي الشراشف و الاغراض اللي يبناله اياه
عليآ: يمة رتبت ودخنت وعطرت وحطين وسويت
: يزاج الله الف خير، خالــد يمة سويت اللي عليك
خالد: هيه الوالدة سويت كل شي ويبت كل شي
عليآ: امااية يعني الحين لو انا سافرت بتسولي جيه وبتحاتيني كل هالكثر ولا بس حق ناس وناس
خالد: هه ما اضني انتي حدج عصير بو نص اللي من الدكان
عليآ : امااية جوفي خلوود انا الحين حدي عصير بو نص والله حسافة اني تعبت ايدي عليكم
: افا انا اسوي كل هذا الانه رافع راسي وبيبلي هاذيك الشهادة انشاءالله
عليآ :احم احم دلال بلاج ساكتة رمسي
دلال: اخاف ارمس وتفلعني امي بشي
الكل : ههههه
دلال: بعد معروف البجر عند الام ولا تذكرو يوم تضربنا واتدلع حمدان اكثر شي والله ما انسى ذيج الايام
ام حمدان: يعني صرت انا الغلطانة هني
خالد: لا محشومة الغالية

* ام حمدان"مريم": طيبة وتحب عيالها وريلها حمد وعمرها 39 سنه.
عليآ: عمرها 19 سنة ونص "الها ثاني سنه في الجامعه" اجتماعية وقلبها أبيض وما تحب الحش وتتعامل مع الناس بطيبة قلب لاكنها اتصير غبية احيانا بس تعرف كيف اتحل الموضوع بسهولة.
دلال: عمرها 17 سنة حلوة وجذابة وفرفوشة وشخصيتها قوية.
خالد: عمره 15 سنة آخر العنقود جميل وذكي وانسان اجتماعي .
أبو حمدان"حمد": أبو العيال وهو انسان غامض (بنتعرف عليــه أكثر في البارتات الياية)**

طبعاً بعد سهره طويــلة للتجهيزات وحاله الكل رقد من التعب حتى حمدان وغلا اللي كانت اتزن عليــه انه يبقى وياها وسار اليوم على خير إلــين ما طلعت الشمس
حمدان: ألوو، هاا وصلت المطار؟؟
: هي وصلت أنت وينك ما أشوفك
حمدان: هيه هيه شفتك انا جدامك
"وسكرو الخط"
:هلا بالحبيب يقولون من طول الغيبات ياب الغنايم
حمدان: يابووي والله اشتقتلكم واايد ما اصدق اني رجعت البلاد
وهو يخز) احم احم اشتقتلنا ولا ما اتروم اتفارق الحبيبة اللي ف لندن
حمدان "ضحك" هههههه هزااع ما اتروم اتيوز عن طبعك
هزاع: لا
هزاع ربيع حمدان عمرة 20 سنة طيب.. ومتواضع .. شلكة حلو وهاي آخر سنه له ف الجامعه
حمدان: هيه أكيد بو طبيع ما يوز عن طبعه
هزاع: هههه الا ما لقيتلنا وحدة حمرا هناك
حمدان: اوووه لا تتخبر لو شفتهم بتموت
هزاعوهو يستهبل) حمدان شو هالرمسة ليش شو فيهم بناتنا ما عيب عليك تسأل عن الحمر اللي فلندن
حمدان: أنا ولا أنت ؟؟، اقول امشي امشي احنا لو تمينا هنا كان ما خلصت سوالفنا
هزاع: هههه يالله مشينا  
لحظه شوي تعالو رجعو وياي قبل لا يوصل حمدان المطار ويستوي كل هالشي نرجع ل عليآ عند الفجر تقريبا
دلال(معصبة): عليوووووووه
..................
دلال: عليووووووووووووة وحمى ما تسمعي
... ههاا ..............
دلال وهي تزاعج: علاااااااااااية
عليآ بخوف : هاااا هااا هها
دلال: انتي ما تسمعي صوت التلفون بطط راسي ما قدرت ارقد افففف ردي عليهم حارقين التلفون
عليآ: خييبة بلاج انشاء الله برد افففف
:صباح الخير
عليآ: بسم الله
: هههه عوذ بالله بلاج شايفة يني ولا يعني ما مصدقة انج سامعة صوتي
عليآ: ويييه اقول لا تصدقي نفسج واايد
: انزين اقول ليش ما اتردي علي
عليآ: انتي شايفة الساعة جم الحين؟
: هي عادي ما فيها شي
عليآ: خيبتج ما فيها شئ انزين ش تبين متصلة
: ما شي خلاص
عليآ: افففف منج
:................
عليآ: هيا وييــن رحتي
هيا: موجودة
(بس عسب تعرفون البداية ونبذة عن الرواية .. ترا الرواية بتتكلم عن خمس بنات واللي هم "عليا، هيا، شيخة، العنود وريم" هذولا البنات ربع من ايام الطفولة وما يرضون الغلط على بعض)
العنود: عمرها 19 سنه خفيفة دم.. ذكية .. محبوبة .. بس أحيانا اتصير أنانية بشكل فضيع " في الأكل" ههههه
شيخة: عمرها 19 سنه انسانه ذكية.. شخصيتها قوية  .. وواايد تتفلسف
ريم: عمرها 20 سنه قلبها ابيض يحبونها اللي حولها مشكلتها أنها ما تعرف تعبر عن حبها بس يبين كله على ملامح ويهها وتحس انه محد يفهمها
هيا: عمرها19 سننه .. قوية شخيصة .. ذكية .. ودايم تحلم وتخطط حق المستقبل.. عندها طموح .
عليآ: آسفة هياا والله تدري اني امس ما نايمة عدل وحالة وتعبانه واليوم بعد بنستقبل اخوي تعرفي تراج
هيا: اووه صح اخوج بيي اليوم ترانــي نسيت والله بس كنت ابا اعرف عن عنود هااي ويــنها ما ترد علي
عليآ: ما ادريبهـا ليش سألين عنها ؟!
هيا: كنت ابيـها على اساس الجامعة وما عندي حد يوصلني
عليآ: آها انزين ليش ما تيين ويانا
هيا: لا احس بثجل عليكم الروحة ريم و شيخة وياج ما ناقص الا انا
عليآ: ههه وناسة
هيا: اي وناسة بيلس الا اتناقر ويا السايق مالكم
عليآ: هههه نسيت السايق
هيا: امم عليآ حابة اقولج شي انا اصلا متصلة عسب شي ثاني وما اقدر اقولة يعني تعرفي بكون مشغولة وما اقدر اقول جدام البنات
عليآ: بسم الله قولي روعتيني
هيا: امم ما اعرف من وين ابدأ لج بس شسمة ....(وسكتت)
عليآ: هيا شو
هيا: يوم بتلاقف وياج بقولج كل شي اوك ؟!
عليا: هيا الله يخليج قولي لي الله يخليج
هيا: عليا لا تصيرين حنانه خلاص قلت لج يوم بشوفج بقولج
عليا: والله الشي يقهر اول شي اتقولون بقولج شي ، واخر شي بعدين والله قهر قهر
هيا: عليا بلاج اتخبلتي قلت لج بقولج لاكن بعدين
عليا: اوك خلاص فهمنا بعدين
هيا: عليا لا تزعلين الله يخليج بس ما اقدر اقولج على التلفون
عليا: اوك ما زعلت بس الله يخلج المرة الياية لا اتسوين فيني هالحركه الاني اكرها
هيا: ههه انشاء الله ما اتكون في مرة يايه
عليا: ليش؟!
هيا: لا والله تبي ايكون في مرة يايه واتكفخيني ب شي صح
عليا: خل عنج عاد ما لها الدرجة
هيا: هههههه انزين يالله قومي
عليا : ليش؟؟
هيا: هههه نسيتي انه الحين بيأذنو الفير
عليا: اهاا الحين فهمت
هيا : هههههههه عليا اقول عن الينون اللي فيج تعوذي من ابليس وسيري صلي صلاة الفير احسلج المفروض اصلا تحمدي ربج اني وعيتج
عليا: هه اصلا كذي ولا كذي كانت امي بتنششني
هيا: صدقـــــق ـ.........
(تدخل ام حمدان )
ام حمدان : اشوفج ناشة اتكلمين منو هالوقت
عليآ: شفتي قلت لج انه امي بتششني ( حطتة سبيكر)
هيا: ههههه الله يخليها لكم يارب
ام حمدان وعليا : اللهم آمين
هيا: عيل مع السلامة
عليا: حفظج الرحمن مع السلامة
(وسكرت)
ام حمدان يالله عليا ( قاطعتها عليا)
عليا: هيه يمة هيه هيه اتذكر بسير اسبح و ادخن البيت و اتعطر وانشش هاي الي راقدة
ام حمدان: بسم الله كلتيني
عليا: هههههه امااه تعرفي ليش؟؟ الانج مذكرتي حول الخمس مرات كيف تبين انسى
ام حمدان : هههه انزين يالله قومي وصلي واتجهزي وخلي دلول اتقوم
عليا: انشاءالله
خلنا نرجع ل حمدان كانو كلهم متجهزين وكاشخين ويتريون متى يوصل حمدان لهم
حمدان على وصول: اههه اشتقلت للمكان ما تغير شي
هزاع: ههههه يالله يالله لو اشتقت لنا كنت بترجع ما اتطول هناك
حمدان: يااابوووووووي اذيتنا
هزاع: ههههههههه علينا حمود علينا
حمدان(وهو مبتسم): اقول اقول وصلنا خلنا ننزل
هزاع: اوك بس اسمحلي انا ما بنزل وراي شغل
حمدان: افااا اي شغل وانا اخوك
هزاع: شويه اشياء
حمدان : افففف ويعني انا ربيعك المفروض مشتاق لي
هزاع: والله مشتاق لك بس تعرف الظروف
حمدان : والله انا ما اعرف الظروف بس حفظك الرحمن لا تنسى تتصل يوم اتخلص
هزاع: انشاء الله
"هزاع اصلا ما وراه شغل بس هو ما من العايلة و ينحرج انه يروح من دون دعوى او اهل البيت ما ياخذون راحتهم ويا اخوهم "
في البيت كانو الكل متجمعين العنود و عليا والاهل
"العنود ما بس اتكون ربيعة عليا بس بعد هي اتكون بنت عمها "
حمدان وهو داخل البيت: سلااااااام
الكل رد ما عاد عليا : وعليكم السلام
"ام حمدان طبعا سوت حفله وصياح ب وصول ولدها هههه "
ام حمدان: يمه وليدي ما تبي اتنام اكيد تعبان
حمدان (يضحك): يمه اي نوم  ابوي حاجز لي طيران الامارات ودرجة اولى ش ابا بعد راقد من اول ما طرت لين ما نزلت
ام حمدان: انزين يوعان شي
حمدان: يمه صديقيني لا ( يلتفت يمين و يسار) عيل ابوي وين ؟؟
الكل سكت والعنود تطالعهم اخر شي هي قالت: ما حد
سكت حمدان ما قال شي الانه يعرف ش السالفة
دلال: عليآ بلاج
(عليآ سرحانـــه)
حمدان وهو ساير صوبها : عليووووه هــــــــــــــــــــــــوه وين سرحانه
عليآ: هااااااه، ما شي بس (وسكتت)
حمدان: ش فيج
عليآ (تتمصخر): احم نعم انت شو تبا ما يخصك فيني
حمدان: افاا كل هالكثر تتغلين علي
عليآ: هه ما لقيت غيري انا اتغلى
حمدان يخز دلال عسب اتقوله السالفة
دلال: احم عليآ زعلانه
حمدان: افاا ليش ؟؟
عليا: اونك ما تعرف
حمدان: هيه اعرف
عليا: انزيــن؟؟
حمدان: يبتـــــه الشي اللي تبينه
عليا وهي مصدومه : شووووووووو احلف كذاب
حمدان : اصغر عيالج اتكذبيني انا
عليا وهي فرحانه : اهههههههه ما مصدقة انزين وينها
حمدان: هههههههه في الشنطة بلاج جيــــــــه
عليا: اصلا محد يفهمني غير حمدان
حمدان : هيه هيه انتي وقت المصالح بس
عليا: حرام عليك انا صرت الحين مصلحجية
حمدان : هههههه فديت المصلحجية والله
" اصلا عليا كانت سرحانة على سالفة هيا ربيعتها شاغله بالها"
خلصو سوالف وحمدان سار يبدل ثيابه وطبعا
:ألو
حمدان : هلا بالحب هلا بالغالية والله اشتقت لج
غلا: اهم شي وصلت وانت بخير والله احاتيك
حمدان: هههه فديت اللي يحاتوني
غلا: حمووووود ما اتمصخر والله خايفة عليك
حمدان: لا اتخافين علي انا ريال اهم شي انتي هناك اباج تهتمين للدراسة ما يشغلج شي زيين
غلا: انشاءالله
حمدان: فديت اللي يطيعون اوامري انا
غلا: احبك
حمدان: وانا اكثر
غلا: مع السلامه الغالي
حمدان: حافظج الرحمن مع السلامه
(وسكر)
حمدان: ااهههههههه احبها
وشوي حد يدق الباب
حمدان: منو
عليا: هاي انا
حمدان بطل الباب
عليا: حمدان يالله اتسبحت
حمدان: هيه
عليآ: عيل يالله مستنيك تحت
حمدان: عليآ تعبت
عليا: هههه لا اتضحكني
حمدان:: ليش؟؟
عليا: ترا هذا بس اليوم لا اتضيع الفرصه
حمدان: لا والله
عليا: هيه والله
حمدان: هههه اوك اوك ياي
طبعا خلصو سوالف وكل العادة اتجمعو ربع عليا (الشباب تحت و البنات فوق في غرفة عليا )
طبعا الشباب يسولفوا ويا بعض والشواب يسولفو عن الشركات واشغالهم .. قاطعهم حمدان الانه ياه اتصال من غلا وسار فوق
عند البنات فوق يسولفون كل العادة وازعاج وحالة وحمدان كان خاطف وفجأه ف نص الكلام ويا غلا  فضى التلفون
حمدان: افففففف هذا وقتك الحين اتفضي
وسار الغرفة ما حصل جرج : اففففف الحين وين بلاقي جرج انا
دلال كانت خاطفة بالصدفة وجافها حمدان
حمدان :دلال
دلال: بسم الله زيغتني
حمدان ضحك يوم فزت دلال : ما علينا الحين عندج جرج الايفون
دلال: عند عليا سير لها
حمدان: وانتي شغلتج ما اتروحين
دلال: انا مشغوله بسير عند الحريم، سير انت ترا عادي
حمدان: امري لله بسير ش اسوي بعد
وسار عند الباب وسمع الازعاج والضحك " وجان يضحك بس بصوت خفيف" ودق الباب وفجأه استوت صخه "وضحك مره ثانيه" هههههههه
البنات: عليــا منو؟؟ انتي عازمه حد؟؟
عليا: لا
ريم : بلاكم اكيد هاي الشغاله يايبه الاكل هذا موعدها وانا يوعانه وبفتح
بطلت الباب وهي فاله الشعر وكاان شكلها يخرفن الصراحة
ريم: هاا ميري يب ... ونفس الوقت حمدان اتكلم: عليا بسالج وين الجــ
ريم جان تنصدم وسكرت في ويهه و حمدان ما مصدق ش السالفه
عليا:  ريم ش السالفه
ريم وهي مصدومه: ما ادري م م ما ادري ريال برع
الكل جان يضحك
شيخة: ههههههه اوييه ليكون هذا اخو عليا
عليا: اوييييه ثواني بجوف وبرد
وبعده حمدان كان عل الباب .. بطلت الباب عليا ولقته اخوها
حمدان بدون اي مقدمات : عليا الله يخليج ابا الجرج بلييز ابااه بسرعه ضروري
عليا : خيبه كلتني وبعد ما شي اسف ازعجتج ولا اسف روعت البنت المسكينه
حمدان جان يضحك ضحكه هستيريه من الخاطر : هههههههههههه ما معقوله هي ش كانت تبا من ميري
عليا: ما يخصك انت ما قلت تبا الجرج بييبلك الجرج الحين استنا علي
حمدان: انشاء الله بس يالله بسرعه الله يخليج
عليا: انشاءالله
دخلت الغرفة وما قالت شي والكل يطالعها .. شلت الجرج وعطتة اياه وسكرت ف ويه
حمدان: بلاهم هاذيلا (وفجأه ) اووووه نسيت غلوووي
في غرفة عليا
شيخة: عليا منو هاا
عليا: اخوي
العنود: شكلها توها كانت النظره الشرعيه بين ريم واخوج خلاص انقول تم
الكل: ههههههههههههه
ريم: اايييه عاد عيب عليكم
هيا : ههههه شو تبو البنت ، بس الصراحة عنود يابتها صح هههههههههه
شيخة: بس حرام عليكم الروحها زايغة هههههه
ريم: هيه هيه اتطنزو عادي
عليا: اسفين ريموه
ريم: اصلا عادي متعوده
الكل: هههههههههههههه
عليا وهي تهمس ل هيا: هيا
هيا: هلا
عليا: شو هلا
هيا: عيل شو اقول
عليا: هيا مسرع ما نسيتي
هيا: شو نسيت انتي ش اتقولي
عليا: السالفه لاه
هيا نزلت راسها : عليا بعدين مالي نفس اقول لج الحين
عليا: اففففففف منج يعني متى؟؟ ، والله اني متحرقصة على هاي السالفة
هيا: يوم انكون الروحنا
عليا: هيااااا الله يخليج
هيا: عليووه خلاص
عليا: اوك خلاص
هيا: عليا لا تزعلي
عليا: ليش ازعل ترا مردج بتقولين لي
هيا: ههههه فديــــــــــــــــــــــــــــــــــــت
شيخة شافت عليا و هيا يتكلمون ف ياها فضول ف قالت: احم احم الحبايب وين واصلين
عليا وهي تتمصخر : في الحب
الكل : هههههههههههههههههههههه
ريم: بنات شو رايكم اليوم نتمشى في الحديقة اليوم محد عندي
العنود: ليش ابوج واخوانج وين؟؟
ريم: لا اتعذبيني رايحين دبي وما يقولون لي ،اونه ادرسي وراج جامعه وشكلهم ما بيردون لين الساعة 9 ا10 المسا يعني الله يخليكم ما ابا اتم في البيت
شيخة: انا عن نفسي موافقه
العنود: وانا وياكم ما عندي شغله
عليا: ءءءءءءءااااااااااااا ممممممممممممم انا ما ادري
ريم: شو ما تدري
عليا: على حسب اهلي بشاور ابويه وامايه وبنجوف
ريم: هياا بتي الحديقة؟؟
هيا: انا بعد ما ادري
ريم: اههه الله يخليكم تعالو ما بنروح احنا الثلاث بس،  لازم الشلة كامله اتكون موجوده
هيا: اوك يالله انا وياكم كلا ولا زعل ريم
ريم: يالله عليا عاد باقي انتي قنعي اهلج
عليا: انشاءالله
كملو سوالف وحاله ورجعو البيت والكل ارتاح في هالساعات الين ماصار العصر
وطبعا يا وقت البنات على انهم يروحون الحديقة وعليا قالت ل اهلها ووافقو
واتجمعو البنات وسارو الحديقة وسوالف وحاله وفجأه بطأن هيا وعليا عن البنات
عليا: يالله هيووه احنا الحين الروحنا
هيا: عليا امممم الصراحه انا ما اعرف ش اقولج بس انا (وقاطعتها عليا)
عليا: هياا بلاج
هيا (وهي ماعارفه شو اتسوي) : عليا انا احب واحد
عليا : الشووووو
هيا: اشششششش بلاج لااتصارخين
عليا: انتي مينونه؟؟ انزين منو هذا؟؟
هيا: اههه انا ينيت من شفته ... هذا يكون هزاع
عليا: هزاع منو ؟؟
هيا: عليا انتي ما فكرتي فيها ... انا ليش ماقلت للبنات وقلت لج ؟؟
عليا: ليش؟!
هيا وهي تتنهد : هذا يكون اخو ريم هزاع
عليا: هزاع ربيع حمدان اخوي م غيره
هيا: هيه
عليا: وكيف عرفتيه
هيا: من الجامعه
" على فكره جامعه البنات مختلطة يعني شباب وبنات وهزاع له اخر سنه في الجامعه نفس حال حمدان لاكن هزاع يدرس في الامارات وحمدان يدرس في الخارج"
هيا: كان واحد مار و شكله ما انتبة لي وفجاه صدمني وطحت ف حضن هزاع ومن ذيك الحظه من حطيت عيني في عينه صارت الدنيا ما اتهمني كان هو غايتي من الجامعه اروح بس عشان اشوفه
عليا:انا اقول يوم ما شي محاظره عندج اتداومين وانا عبالي عشان ربعج مالت علينا
هيا: عليا والله ما ادري الشي اللي انا يالسة اسويه صح ولا خطأ
عليا: هيا ترا مــــــــــــــــــ (ولا فجأه اآآآآآآآآآآآآآآهههههههههههه) (حد صرخ ) والكل تجمع عند عنود وشيخة وريم
وطبعا المساكين عليا وهيا يتلاحقون عبالهم شي صاير
عليا: ش السالفة
العنود: صرصوووووووووور
البنات : ههههههههههههههههههههههه
والكل ضحك
عليا: والله ما عندج سالفة
شيخة: كفففف قسم بالله
ومن ورى حمدان كان يصرخ: اييييييييييييييه بنت العم الخوافه
والكل يلتفت له
وطبعا اللي ماله شغل روح
عليا: انت ش اتسوي هني
حمدان: انتي قلتي اوصلج لاكن المشكله حبيت المكان وقلت اعزم الربع ايوو هني الاني مالي خلق نتعازم في خيمه ولا ف عزبه و  هالسوالف
عليا: آهااا
حمدان: هاااا بنت العم هكووووو صرصور
العنود : آآآآآآآآآآآآآهههههههههههه ويييييييينه
حمدان: هههههههههههههههههه
العنود: الله يسامحك
حمدان يلتفت ل ريم ويبتسم لها وريم تنخش ورى عليا
عليا: ريم شو فيج ما تذكرين حمدان
حمدان: لحظه لحظه هااي ريم ريييييم ريم ما غيرها بنت الجيران قبل لا ننتقل
عليا: يب يب يبتها
حمدان: في ذمتج اللي كانت ام لسانين والله اذكر حتى شكلها يوم كنا يهال تغيرت واايد
عليا: هههههه هيه انا ادري شو تذكر ايام العاب الزوج والزوجه هههههه تذكر يوم تزوجو هههههههههه
ريم من ورى عليا: عليا عييب
حمدان سمعها وقال: اويييييه كييوتتت  (وهو يقلدها) عليا عيب
ريم انصعقت من ورى عليا
الكل: هههههههههه
حمدان: انزين طلعي والله ما باكلج انا
عليا روحت من جدام ريم طبعا بعد عناء
ريم مستحية وحاله
حمدان تقرب منها و مد ايده عسب يسلم عليها
ريم مدت ايدها وسلمت عليه .. حمدان ما بطل اييده وقال وهو يصرخ : الشخص لما يسلم يطالع في عين الشخص
ريم من الخوف رفعت راسها وطالعته واتلاقت العيون وتمت ايدها ترتجف
حمدان: هههههههه شفيج ترتجفين
ريم وهي خايفه ومنزله راسها: ما شي
حمدان: والله طالعي ايدج ترتجف
ريم: شلت ايدها بسرعه من ايده
حمدان: شفيج
ريم: ما من عوايدي اسلم علر ريال غريب
حمدان: افااا الحين انا صرت ريال غريب
ريم: حتى ولو نحن كبرنا ما نفس اول
حمدان: حتى  ولو نحن فاهمين ريم لا تتغصصيني ويا هالسوالف اللي مالها داعي ترا عادي ما فيها شي احنا اخوان
ريم سكتت
العنود بتهور : انزين والحين شو تبا
حمدان: ابا ريم ابا اسولف وياها ما عندي حد الحين محد ياا .. يوم اييوون بردها لكم وهذا وعد
عليا: اوك
ريم انصعقت وقالت : اتبيعوني جييه
البنات: هههههههه
شيخة: ترا عادي ريم بيسولف وياج يتذكر الماضي و بيردج عادي
حمدان: هااا ريم شو قلتي ؟!
ريم ساكته
حمدان صدق عصب من حركه ريم ما يحب حد ساكت يحسسه انه سوي شي غلط
حمدان: رييييييم قسم بالله ...(وقاطعته ريم وهي اتقول : اوك)
وهني سكت حمدان وابتسم وقال : بنات ما ايون الا بالعين الحمرا
البنات: اوووووووووووو
حمدان: (وهو يقلد ريم ) بنات عييب
ريم: اههههه بس عااد
حمدان: هههههههههه بس عاد
ريم سكتت
حمدان: ههههههه خلاص اوك انا اسف يالله انروح
(وراحو)
البنات طبعا راحن يشربن لهم شي
خلنا انروح ل حمدان وريم
حمدان: اهههههههه والله ما اصدق انج ... ما اعرف كيف اوصف لج ..يعني كنتي قويه والحين احسج بنت جيه حرمه
ريم: حمدان ما جننه خانك التعبير
حمدان: ههههههههه والله صدق يعني تعرفي ما اعرف افهم كيف يعني .... قبل كنتي دفاشه وكذي مسيطرة على كل شي والحين البنت اللي يتمناه كل ريال
ريم جان تستحي من الخاطر
حمدان وهو يتنهد : اهههههههه ي ريم والله اني اشتقت ل امج هههههه يوم كانت تربع وراي بالعصا واخر شي يوم اعتذرها تعطيني ككاو كنت دايما اسوي لها اشياء بس عسب اعتذرها وتعطيني ككاو هههه
حمدان جان يلتفت ل ريم و لقى دمعتها على خدها
حمدان: ريم شو فيج ليكون امج زعلتج في شي ادريبها خالتي نوره .. اباج اتقولين لها حمدان ما نسى الضربه يوم كنت صغير الانه هاي الضربه صلبتني وانا كبير
ريم ..............................
حمدان يلتفت لها مره ثانية ولقاها اتصيح
حمدان: ريم شو فيج
ريم من دون اي حاسية تحضن حمدان واتقول : حمدان امي ماااااتت
حمدان حس بشعور غريب كأنه شي لمس قلبه  الانه ام ريم كانت نفس امه الثانية يوم كانو صغار
حمدان حضن ريم وقال: ريم خلاص امج صح انها راحت لاكن روحها ساكنه داخل قلوبنا
ريم ..........................
حمدان: ريمووه
ريم وهي بعدها حاظنه حمدان : حمدان اشتقت لها وانت تعرف انه ما عندي حد غير ربعي ما عندي حد
حمدان: افااااا يوم اتحسي انه محد عندج اتذكريني يوم العب وياج يوم كنا ننزوج بعض
ريم ضحكت شوي ووخرت عن حمدان
حمدان حس بشعور غريب كأنه يقول ل ريم خلج لا اتوخرين عني ومن دون اي احساس حمدان مش دموع ريم
تدرون هاي اللحظه مرت عليهم من قبل يوم كانو صغار كانت ريم دوم اتصيح ف حضن حمدان وحمدان يواسيها ويمسح دموعها وهذا كله تذكره عند ريم و الوناسة اللي كانت اتصير وقبل لا يسافر كيف كان يستانس ويا ربعه ، ..كان كل هذا ما محصلنه ف لندن وقال في خاطرة انا ليش سافرت ، من بعد ما اعرس على غلا كيف بتكون حياتي ؟؟ وفكره اتوديه وفكره اتييبه لين ريم تكلمت وقالت:
حمدان
حمدان: عيوووووووونه امري تدللي انا كلي تحت امرج
ريم: حمدان عيب
حمدان وهو يستهبل: ليش عيب تراني مزوجنج من ايام الطفوله
ريم وهي عارفه انه حمدان يستهبل: هههههه زواج غير شرعي
حمدان: والله ما يخصني انتي وافقتي واخوانج على ذيج الايام موافقين
ريم: الحين اسال هزاع ان ما حصلت كفف محترم
حمدان: ههههههههه غير الكف اللي حصلته منج ما ابا
ريم: انا ؟ متى ؟!
حمدان: تذكري يوم كنتي تقريبا صف خامس وقلت لج احبج
ريم انفجرت ضحك : لا اتكمل ههههههههه لا اتكمل
حمدان: قسم بالله ما لقيت الا كف على ويهيي حتى انه ويهي ورم
ريم: عاد مب لها الدرجة
حمدان: يعني ما اتصدقيني
ريم: لا
حمدان: عيل صبري
ريم : شو بتسوي
حمدان اتصل ل عليا و قال لها : علايه تذكرين يوم كنا صغار
عليا: بسم الله ش فيك
حمدان: جاوبي
عليا: لا ما اذكر
حمدان : علااااااايه
عليا: انت تراك اتقول (تذكرين يوم كنا صغار) ياخي وضح
حمدان: والله سامحني من يوم اتذكرت الكف قامت اتطير عني الكلمات
عليا: اي كف
حمدان: اقولج تذكرين يوم قلت ل ريم احبج وعطتني كف من الخاطر
عليا ضحكت من الخاطر : هييييييه هههههههههههه
حمدان: في ذمتج شو صار في ويهي
عليا: اتذكر علامه اييد كانت على ويهك حتى انك ما رويت حد من البيت سيدة رحت الغرفة وتميت داخل الغرفة لين خف الكف
حمدان: فديييييييت انا اختي عليا يالله مع السلامه
عليا: بسم الله مع السلامه
(وسكر )
حمدان: هاا وشاهد شاهِدً من اهلها
ريم: حمدان تتأدب
حمدان : افااا
حمدان: على فكرة كنت صدق احبج كنت صغير بس من الكف هاذاك اتخيلي ما سرت الغرفة عسب يخف العلامه، كنت ساير الغرفه اصيح الاني عبالي انج ما اتحبيني لين ما يتني يدتي وقالت لي هالمثل اللي يضرك يحبك ....
ريم: ش تقصد يعني
حمدان: ههههههه يعني الكف هذاك الانج اتحبيني صح ولا
ريم: لا
حمدان: اففففف عيل ليش
ريم: الانك احرجتني جدام البنات واخواني يعني والله عيب جيييه جدامهم كلهم اونه احبج شووو وين عايشين
حمدان: يعني انتي اصلا كنتي اتحبيني بس الاني احرجتج ف عسب جييييييه
ريم: حمدان خلاص
حمدان: ههههههههه يعني هييييييييه
ريم استحت ونزلت راسها
خلونا الحين نرجع ل عليا والبنات
شيخة: بنات تعالو انروح هناك
عليا: انا ما ابا تعبت الصراحه ابا ارتاح
العنود: شيخة بيي وياج
هيا: وانا بتم عند عليا
العنود وشيخة: اوك
وراحت عنود وشيخة وتمت هيا و عليا
وبالصدفة هيا كانت رايحه اتييب الكوفي شافت هزاع حذالها ...... هزاع انتبه لها واتذكرها
هزاع : ما انتي
هيا قاطعه: نعم انا انتييي صاحبة الصدمات
هزاع: ههههههه هيا صح ولا انا غطان
هيا: لا صح انا هيا
هزاع: ش اتسوين هنا بروحج
هيا: لا انا ما بروحي وياي بنات
هزاع: اهااااا
هيا: ليش كنت تسال؟؟
هزاع: انا اسف بس فهمتج غلط يعني عبالي يايه
هيا: عرفت عرفت لا اتكمل " هيا ف داخلها : هذا تفكيرك عني"
هزاع: شفيه ويهج انقلب فوق وتحت والله كنت اتمصخر انا اعرفج وبنت محترمه لو ها كنت بلاحظ عليج في الجامعه
هيا وهي تتمصخر: وليش اصلا ... انت شو اتراقبني ؟؟
هزاع: لا ، بس يعني اففففف لازم اتوهقيني
هيا: ههههههه عادي حتى نحن نتوهق احيانا
يقاطعهم الكاشير اللي ف الكوفي
Sir prefer
Thankهزاع:
Thanks Sir Enjoy
هزاع: ها هيا تبين شي قبل لا اروح
هيا: لا مشكور اخوي
هزاع وقف يطالعها بنظره وهو ف خاطره  ( هذا قدري عندج اخوج ياخي قولي الغالي شي جيه اففففف والله انقهرت وهذا وانا احبها جيه اتقول عني )
هيا: هزاع لا تطالعني جيييييه اتروع
هزاع: ههههههه انزين غيري
" تعرفو من طبع هزاع انه ما يستحي من اللي يحبهم ودايم يحب يتمصخر ويستانس "
هيا: اغير شو ؟
هزاع: كلمه اخوي
هيا: ههههه لا مشكور هزاع
هزاع: افففففففففففف
هيا: شو فيك شو تباني اقول ليكون حبيبي ولا الغالي
هزاع: الغالي هيه بس حبيبي بعدنا ما وصلنا لاكن بتقبلها يعني عادي
هيا : ههههه عن الدلع هزاع
هزاع: ههههههه اوك
عند عليا
عليا: خير شو تبا
:ما شي انا اباج بس
عليا: بتذلف عن ويهي ولا اصرخ واجمع كل اللي ف الحديقة
: ههههه عادي فديتج تتحريني خايف منهم


" تتوقعون منو هالشخص اللي كان يكلم عليا وشو سالفته و شو بيصير ويا حمدان صدق بيحب ريم و لا بيتزوج غلا وينساها وشو عن هيا وهزاع بيحبون بعض ولا بيصير خلاف من بينهم وبيتفارقوا وشو عن العنود وشيخة تتوقعون شو بيصير وعطوني آرائكم ونفس ما قلت لكم من البدايه اذا شفت تفاعل يعني عيبتكم الروايه وبكملها و بتشوفون الاحداث في البارتات الثانيه  واذا ما شفت تفاعل ما بكملها "
وسمحولي ع القصور ، اتريا تفاعلكم ...........